【明報專訊】噚日嘅《城市論壇    》由維園    搬咗去九龍城賈炳達道公園，但係大班「維園阿伯」仍誓相隨，轉到九龍城「捧場」，班阿伯一見到社民連陳偉業    同梁國雄    到場，似乎情緒過於「亢奮」，唔單止動口，仲郁埋手，呢場節目真係令人膽顫心驚。

長毛    噚日去完澳門    被拒，就趕去《城市論壇》，但因為澳門入境處    扣 留咗佢幾乎一個鐘，所以當佢到場時，個節目已經完咗。但佢一嚟到，原本打算離開嘅十幾個維園阿伯就蜂擁而上，用粗口問候長毛同佢屋企人，不過身經百戰嘅長 毛無鬧番佢哋，反而重提喺2004年，佢啱啱當選之後，有次出席《城市論壇》畀維圍阿伯恐嚇話要斬佢，當時警方打算落案起訴班阿伯，阿伯驚起上嚟就打畀長 毛求情，叫長毛唔好告佢，不過長毛話原本就無打算告佢哋。

衰多手輕撫阿伯臉

不過噚日班阿伯就似乎忘記咗當日嘅事，當正長毛係仇人。長毛噚日衰多手，輕撫咗阿伯塊面一下，阿伯見被玩，就好嬲揮手打咗長毛嘅手臂一拳，痛唔痛就唔知喇。

社民連另一仁兄「大嚿」陳偉業，節目完咗一早已經離開，但佢做節目時，亦不斷畀阿伯大鬧，仲叫佢收聲，該名阿伯見到個電視台記者影佢，就想攞把遮打記者。

正喺呢個時候，一個見義勇為嘅市民就撲出嚟推開個阿伯，兩個人一齊跌咗落花槽到，場面都幾混亂。